Бүгүн, бэс ыйын 20 күнүгэр, улуус баһылыга Юрий Слепцов, улуус депутаттарын Сэбиэтин председателэ Алексей Винокуров, баһылык солбуйааччылара Филипп Николаев, Юрий Дьяконов уонна нэһилиэктэр баһылыктара тыыл ветераннарыгар, сэрии кыттыылаахтарын огдооботугар уонна Ленинград блокадатын кыттыылааҕар Үрүҥ Тунах Ыһыаҕынан Эҕэрдэ суруктары, ыһыах маанылаах аһын уонна саҥа тахсыбыт «Мэҥэ таас» X-с туомун кинигэтин бэлэх ууннулар.
Ытык дьоммут олус үөрэн, долгуйан туран махтаннылар. Салайааччылар аҕам саастаах дьоммутун кытта кэпсэтэн-ипсэтэн, санаа атастаһан тарҕастылар. Ону сэргэ культура үлэһиттэрэ хас биирдии ветераҥҥа музыкальнай эҕэрдэ бэлэхтээтилэр.
