Бу күн ыытааччы Хабаров Прокопий Алексеевиһы кытта түөлбэ үлэтин, граннарга общественнай тэрилтэлэр кыттыыларын туһунан дириҥ ис хоһоонноох кэпсэтии, санаа атастаһыыта барда. Биэриигэ Надежда Дмитриевнаны кытта Горнай улууһун Бэрдьигэстээх нэһилиэгин “Үрдэл” ТОС бэрэссэдээтэлэ Ли-фу Светлана Григорьевна кыттыыны ылла. Надежда Сивцева Хатыҥ Арыы нэһилиэгэ 2023, 2024 сылларга СӨ Ил Дарханын гранын кыайыылааҕынан тахсан нэһилиэги тупсарыыга, түөлбэни сайыннарыыга туох үлэ барбытын, Нам улууһун общественниктарын үлэлэрин уопутун билиһиннэрдэ.