XXII Манчаары оонньууларын иитинэн ат сүүрдүүтэ от ыйын 11 күнүгэр 16 чаастан Дьокуускай куоракка, Үс Хатыҥҥа, И. Свинобоев аатынан ипподромҥа, ыытылынна.

Главная Спорт XXII Манчаары оонньууларын иитинэн ат сүүрдүүтэ от ыйын 11 күнүгэр 16 чаастан Дьокуускай куоракка, Үс Хатыҥҥа, И. Свинобоев аатынан ипподромҥа, ыытылынна.

14 июля, 2025
22:03

XXII Манчаары оонньууларын иитинэн ат сүүрдүүтэ от ыйын 11 күнүгэр 16 чаастан Дьокуускай куоракка, Үс Хатыҥҥа, И. Свинобоев аатынан ипподромҥа, ыытылынна.

Эрдэ этиллибитин курдук, күрэх күн-дьыл туруга мөлтөөн миэстэтэ уларытыллыбыта.

Саха сирин биир бастыҥ сүүрүк аттардаах Нам улууһун хамаандата уопсай түмүккэ 2-с миэстэни ылары ситистэ! Биирдиилээн дистанцияларга көрдөрүүлэр маннык буоллулар:

1600 м 3-тэн үөһэ саастаах ыраас боруода аттарга Аутлэндер (жокей уонна тренер И.В. Иванов) 01:46:10 бириэмэни көрдөрөн биэтэккэ иккиһинэн кэллэ.

1600 м Саха сиригэр төрөөбүт 3-тэн үөһэ саастаах ыраас хааннаах боруода сылгыларга Кешбэк (жокей уонна тренер И.В. Иванов) 01:50:25 бириэмэлээх 2-с бириистээх миэстэни ыл

2400 м 3-тэн үөһэ саастаах ыраас боруода аттарга Йортен (жокей И.В. Иванов, тренер Ф.И. Охлопков) 02:48:87 бириэмэлээх 4-с миэстэни ылла.

3200 м Саха сиригэр төрөөбүт 3-тэн үөһэ саастаах ыраас хааннаах боруода сылгыларга Байан (жокей уонна тренер И.В. Иванов) 03:56:01 бириэмэнэн кэлэн 3-с бириистээх миэстэҕэ таҕыста.

7000 м саха боруодата сылгыларга Сулус (жокей уонна тренер И.В. Иванов) 11:06:31 бириэмэлээх 2-с миэстэни ылла. Тренердэрбитин, жокейдарбытын, улууспут ат сүүрдүүтүн федерациятын чаҕылхай ситиһиигитинэн эҕэрдэлиибит, саҥаттан саҥа үрдэллэри баҕарабыт. Нам улууһа – үрдүкү чыпчаалга!