АГАТУ-ттан ойуур комплексын уонна сири туһаныы факультетын декана Мария Слепцова тахсан оҕолору, төрөппүттэри кытта көрүстэ, үгүс сүбэни биэрдэ уонна докумуоннары тутта. Кэлэр нэдиэлэҕэ Мария Владимировна Модут агрооскуолатыгар тахсан салгыы үлэлиэҕэ.

Хотугулуу-Илиҥҥи федеральнай университекка оҕолор докумуону көхтөөхтүк туттардылар. Ол курдук, инженерно-техническэй, финансово-экономическай, омук тылларын, медицинскэй, педагогическай институттарга, историческай, юридическай, филологическай факультеттарга выпускниктар туттарсар баҕаларын хото биллэрдилэр.