Бүгүн лааҕыр иитиллээччилэрэ Новгородова Лена Семеновна салалтатынан кылынан тымырдаайы оҥорууга үөрэннилэр. Кэлэр күннэргэ Намнааҕы педколледжка быыстапка көрүөхтэрэ, 1 Хомустаах бэтэрээннэрин кытта көрсүһэн ирэ-хоро кэпсэтиэхтэрэ, сайыҥҥы чаҕылхай күнү көрсө ретро фотосессиялыахтара, пенсионнай управление иһинэн тэриллибит кииҥҥэ үөрэх ааһыахтара. Лааҕыр үлэтэ сарсыардааҥҥы сэрээккэттэн, эти-хааны чэбдигирдииттэн саҕаланар. Лааҕыры олохтоох дьаһалта общественноһы кытта үлэҕэ специалиһа Сандаара Оротоо иилээн-саҕалаан үлэлэтэр.