Бүгүн, балаҕай ыйын 12 күнүгэр, Маймаҕа нэһилиэгэр улахан үөрүүлээх, күүтүүлээх күн буолла, ол курдук социальнай суолталаах объект — саҥа фельдшерскэй-акушерскай пуун (ФАП) үөрүүлээх арыллыыта буолла.
Алгысчыт аал уот оттон, алгыс сиэрин-туомун толордо. Үөрүүлээх бэлиэ тэрээһиҥҥэ улуус баһылыгын солбуйааччы Юрий Дьяконов, улуус кылаабынай бырааһа Ариан Сергеев, Маймаҕа нэһилиэгин баһылыга Александр Егоров, нэһилиэк олохтоохторо, ыалдьыттар кыттыыны ыллылар.
Аалай лиэнтэ быһыллан, сылааһынан илгийэр, сып-сырдык дьиэҕэ киирэн, эҕэрдэ, баҕа санаа этилиннэ, Бочуотунай грамоталары, Махтал, Эҕэрдэ суруктары, сэмэй бэлэхтэри туттардылар. Улуус баһылыгын солбуйааччы Юрий Вячеславович улуус баһылыга Юрий Слепцов аатыттан эҕэрдэ тиэртэ, ФАП сэбиэдиссэйигэр улуус дьаһалтатын аатыттан 15 тыһыынчалаах сертификаты туттарда. Маймаҕа нэһилиэгин Ытык киһитэ Татьяна Павлова 2020 сыллаахха бэчээттэнэн тахсыбыт «Маймаҕа үрүҥ халааттаах аанньаллара» диэн кинигэтин эдэр фельдшергэ бэлэхтээтэ.
ФАП символическай күлүүһүн «Строй Универсал» ХЭТ прораба Павел Степанов фельдшер Дьулуур Заровняевка туттарда.
Маймаҕа нэһилиэгин баһылыга Александр Егоров: “2024 сыл сааһыгар Маймаҕа нэһилиэгэ халаан уутуттан улаханнык эмсэҕэлээбитэ. Тыл этээччилэр саҥа ирдэбиллэргэ эппиэттиир фельдшерскэй-акушерскай пуун үлэҕэ киирбититтэн үөрэн туран, СР Правительствотыгар, доруобуйа харыстабылын министерствотыгар, «Нам улууһа» МО, Маймаҕа нэһилиэгин дьаһалталарыгар, улуустааҕы киин балыыһа салалтатыгар истиҥ махталларын тиэртилэр.
Ньургун Павлов – Хатырык нэһилиэгин участковай балыыһатын заведующая, фельдшер. Маймаҕа нэһилиэгин олохтоохторун саҥа социальнай объект – фельдшерскэй-акушерскай пуун (ФАП) үлэҕэ киирбитинэн эҕэрдэлиибит! Барыгытыгар кытаанах доруобуйаны, дьолу баҕарабыт! «Нам улууһа» МО пресс – сулууспата
Ньургун Павлов – Хатырык нэһилиэгин участковай балыыһатын заведующая, фельдшер: “Маймаҕа нэһилиэгин олохтоохторун саҥа социальнай объект – фельдшерскэй-акушерскай пуун (ФАП) үлэҕэ киирбитинэн эҕэрдэлиибит! Барыгытыгар кытаанах доруобуйаны, дьолу баҕарабыт!”
«Нам улууһа» МО пресс – сулууспата
