Туоратар уонна куттал суох буолуутун хааччыйар хамыыһыйатын гражданскай оборонаҕа команднай-штабной үөрэҕэ саҕаланна.
Сарсыарда 8:00 чаастан улуус баһылыгын э.т. Анатолий Павлов салайааччылаах КЧС чилиэттэрэ уонна тэрилтэ салайааччылара СӨ Ыксаллаах быһыы-майгы министиэристибэтэ ВКС нөҥүө мунньаҕар кыттыыны ыллылар.
Мунньаҕы Ил Дархан Айсен Николаев салайан ыытта.
РФ ыксаллаах быһыыга-майгыга министерствотын Саха сиринээҕи управлениетын салайааччыта Павел Гарин иһитиннэрии оҥордо, соруктары туруорда.
Бүгүн нэһилиэнньэҕэ иһитиннэрэр-биллэрэр систиэмэни бэрэбиэркэлээһин ыытыллыаҕа. Иһитиннэрэр-биллэрэр ситим айылҕа содулуттан эбэтэр техногеннай кутталлаах, ыксаллаах быһыы-майгы тахсар түгэнигэр нэһилиэнньэни сэрэтэргэ туһаныллар.
Сарсын, алтынньы 2-с күнүгэр, 1 Хомустаахха уонна Нам сэлиэнньэтигэр практическай үөрэх ыытыллыаҕа.
Улуус баһылыгын э.т. Анатолий Павлов КЧС чилиэттэригэр уонна тэрилтэ салайааччыларыгар тустаах соруктары туруорда, хас биирдии эбийиэккэ үөрэх ыытыллыбытын туһунан отчуоту түһэллэригэр сорудахтаата.
Николай Монастырев – “Нам улууһа” МО гражданскай оборонаҕа уонна ыксаллаах быһыыны-майгыны туоратыыга кылаабынай исписэлииһэ
“Нам улууһа” МО пресс-сулууспата
