САЛБАҤ НЭҺИЛИЭГЭ
Салбаҥ нэһилиэгэ бу Нам улууһун биир саамай кырыы , уһук нэһилиэгэ буолар. Салбаҥ нэһилиэгэ Улуу Кыайыыны уһансыбыт хорсун хоодуот буойуннарынан киэҥ туттар, сүгүрүйэр, махтанар.
Нэһилиэкпититтэн уопсайа 123 эр санаалаах эр хоһуун дьоно ыҥырыллан фроҥҥа барбыттара. Мантан Кыайыы көтөллөөх эргиллэн кэлбиттэрэ – 54
Кыргыһыы толоонугар геройдуу охтубуттара-45 Сураҕа суох сүппүт буойуннара-24 Тыылга Кыайыыны уһансыбыттара 1941-1945 сс – 254 киһи үлэлээбитэ.
Ветераннарбыт үгүстэрэ Арҕаа уонна Илин фроҥҥа сылдьан сэрии суостаах сылларын ааспыттара. Сталинград кыргыһыытыгар -1 , Москва аннынааҕы кыргыһыыга – 1, 3 ветеран Федоров Анисим Матвеевич, Аммосов Николай Васильевич , Винокуров Василий Игнатьевич Кенинсгберы көмүскээһиҥҥэ сылдьыбыттара.
Харах уулаах Улуу Кыайыы үөрүүтүнэн 19 ветераммыт күлүмүрдэс сулустаах Кыайыы уордьаннарынан наҕараадаламмыттара. Тыылга кыайыыны уһансыбыт кырдьаҕас өттө, үлэни кыайар оҕолор барыта кыайыы туһугар диэн күнү түүнү аахсыбакка үлэлээн кыайыыны аҕалсыбыттара. Күн бүгүн нэһилиэкпитигэр биир тыыл ветераннаахпыт Олесова Мария Александровна ахсынньы ыйга 90 сааһын туолуо. Сэрии сылларын оҕолоро алтыалар.
Сүгүрүйэбит эһиэхэ, тыыннаахтар: Ветераннарбытыгар анаан, кэнчээри ыччат Кыайыы хайдах сыананан кэлбитин биллин көрдүн диэн ытык өйдөбүл көлүөнэттэн көлүөнэҕэ бэриллэн иһэрин туһугар диэн, араас кэмнэргэ нэһилиэги салайбыт салайааччыллар, баһылыктар Кыайыы өйдөбүнньүктэрин оҥорон үйэтитэн хаалларбыт үлэлэрин билиһиннэрэбит:
- Өйдөбүнньүк пааматынньык Улуу Кыайыы 30 сылыгар ананан Сивцев Эллэй Семенович бырайыагынан 1975 сылга оҥоһуллубут. Сэбиэт председателя Ущницкая Февронья Дмитриевна
- Улуу Кыайыы 65 сылынан – “Өйдөбүнньүк сулус”-бастакы хомуурга барарга мустубут сирдэригэр, « Кыайыы скверэ», « Ветераны войны и тыла»пааматынньык оҥоһуллубута. Баһылык Габышева Екатерина Петровна
- Улуу Кыайыы 75 сылынан орденнаах биир дойдулаахтарбытыгар анаан ” Ветераны орденоносцы” өйдөбүнньүк стела уонна Кыайыы сэргэтэ турбута. Баһылык Новиков Афанасий Христофорович.
- Улуу Кыайыы 80 сылынан, тыылга Кыайыыны уһансыбыт ветераннарга анаан “Ким да умнуллубат, туох да умнуллубат” стела пааматынньык, “Ааллаах Үүн” айанньыттарыгар өйдөбүнньүк стела, Кыайыы скверигэр “Сырдык суол” уот ситимэ холбонно. Баһылык Аргунов Сахаян Прокопьевич.
Бэлэмнээтилэр: Музей салайааччыта Лугинова Д.А. Нэһилиэк бэтэрээннэрин Сэбиэтин бэрэссэдээтэлэ Корякина П.П. Салбаҥ нэгилиэгин дьаһалтатын специалиһа Ощепкова А.С.
