«Бастакылар хамсааһыннара» Намнааҕы салаатын председателэ Анна Ядрихинская улууска бу хамсааһын сайдыытыгар көрүүтүн, муниципальнай баайы-дуолу бас билии комитетын управлениетын директорын солбуйааччы Алексей Аммосов социальнай гаастааһын тосхоло туолуутун, опека уонна попечительство отделын салайааччыта Любовь Зырянова тулаайах оҕолор дьиэлэрин дьаһалталар өттүлэриттэн хонтуруол үлэтэ күүһүрүөхтээҕин уонна приватизация сөбүгэр ыытыллыытын, дьиэ кэргэн уонна ыччат политикатын отделын салайааччыта Екатерина Евстафьева ыытыллар үлэ былаанын, улуустааҕы спорт уонна физическэй культура салалтатын салайааччыта Павел Иванов кэлэр 2026 сылга үлэ былаанын уонна улуус депутаттарын Сэбиэтин председателэ Алексей Винокуров ахсынньы 16-17 күннэригэр Дьокуускай куоракка СР представителлээх уорганнар III съезтэрин буоларын туһунан иһитиннэрии оҥордулар.
Бүгүҥҥү планеркаҕа Иккис Хомустаах нэһилиэгин баһылыга Лев Новгородов кыттыыны ылла. Кини анал байыаннай дьайыыга ытык иэһин толорон кэллэ уонна үлэтигэр номнуо киирдэ.
