«Бастыҥ олоҥхону толорооччу» Саха Республикатын национальнай олоҥхо комитетын бириэмийэтинэн Нам улууһугар олоҥхо сайдыытыгар үлэлиир-хамныыр, оҕолору уһуйар Вера Куличкина-Цыпандина наҕараадаланна.
«Бастыҥ олоҥхоҕо уһуйааччы» бириэмийэни Партизан нэһилиэгин уһуйаанын иитээччитэ Саргылана Мордосова ылла.
Ону сэргэ «Бастыҥ эдэр олоҥхону толорооччу» бириэмийэ кыайыылааҕынан Н.С. Охлопков аатынан Намнааҕы гимназия 7-ис кылааһын үөрэнээччитэ Юра Мордовской таҕыста, уһуйааччыта – Вера Куличкина-Цыпандина.
Бу тэрээһиҥҥэ Юра Мордовской Саха сирин ааттаах-суоллаах олоҥхоһуттарын кытта бииргэ 35 мүнүүтэ оллоонноон олорон олоҥхолоон доллоһутан дьон биһирэбилин ылла.
Олоҥхо декадата Нам улууһугар кыайыы көтөллөөх, ситиһии аргыстаах саҕаламмытынан олоҥхобутун өрө тутар, кэнчээри ыччакка тиэрдэр дьоммутугар үрдүк наҕараадаҕытынан итии-истиҥ эҕэрдэбитин тиэрдэбит.
