Форум арыллыытыгар улуус баһылыга Юрий Слепцов улууска ийэлэр сүдү оруоллаахтарын, дьахтар хамсааһына общественнай үлэҕэ төһүү күүс буоларын туһунан дакылаат аахта. Ону таһынан ийэлэр, кэрэ аҥардар түмсүүлэрэ улууска туох үлэни ыыталларын, улуус киэн туттар ийэлэрин ахтан туран иһитиннэрии оҥордо. СР дьахталларын түмсүүлэрин сойууһун председателэ Анжелика Андреева дьиэ кэргэн политикатын, дьахтар түмүстэҕинэ хайдах курдук хамсааһыннары оҥорорун, тугу барытын кыайар кыахтанарын туһунан кэпсээтэ. СР аҕаларын лигатын председателэ Айхал Габышев дьахтар хамсааһыныгар аҕа оруолун, дьиэ кэргэҥҥэ аҕа суолтатын үрдэтии, тэҥҥэ тутуу туһунан иһитиннэрдэ. СР общественнай палататын демографияҕа, дьиэ кэргэн, оҕо уонна ыал үгэс буолбут сыаннастарын көмүскэлигэр хамыыһыйа председателэ, «Россия дьиэ кэргэнэ» ЯРО НОК салайааччыта Лена Ефремова дьиэ кэргэн сыаннастарын өрө көтөҕүүгэ, бу салааҕа үлэ-хамнас туһунан сырдатта. Тэрээһини улуустааҕы дьахтар сэбиэтин председателэ Ирина Винокурова иилээн-саҕалаан ыытта.
Бу күн оҕо иитиитигэр сүҥкэн кылааттарын, дьиэ кэргэн бөҕөргүүрүгэр, дьиэ кэргэн үтүө үгэстэрин харыстааһыҥҥа уонна сайыннарыыга кылааттарын уонна көхтөөх общественнай олохторун иһин ийэлэргэ наҕараада туттарыы буолла. Нам улууһун баһылыгын Бочуоттаах грамотатын туттулар: – Анастасия Сивцева, 10 оҕолоох Герой ийэ, Бастакы Хомустаах олохтооҕо; – Александра Кривошапкина, 7 оҕолоох ийэ, III степеннээх «Ийэ Албан аата» бэлиэ хаһаайына, Партизан олохтооҕо.
8 оҕолоох ийэ, Хамаҕатта нэһилиэгин олохтооҕо Алена Матвеева II степеннээх «Ийэ Албан аата» бэлиэнэн наҕараадаланна.
Элбэх оҕолоох ийэ, «Россия ийэлэрэ» Бүтүн Россиятааҕы общественнай хамсааһынан Намнааҕы салаатын салайааччытынан өр сылларга үлэлээбит Марианна Рожина «СР дьиэ кэргэн политикатын сайдыытыгар кылаатын иһин» бэлиэни тутта.
Икки оҕо истиҥ ийэтэ, Модут орто оскуолатын попечителэ Светлана Охлопкова РФ Федеральнай мунньаҕын Федерация Сэбиэтин Махтал суругунан наҕараадаланна.
Салгыы үгэскэ кубулуйбут улуус баһылыга Юрий Слепцов дьаһалынан олохтоммут «Бастыҥ ийэ» номинациялары туттаран улуус киэн туттар ийэлэри чиэстээһин буолла. Бу тэрээһини улуустааҕы дьиэ кэргэн уонна ыччат политикатын отдела (салайааччы Екатерина Евстафьева) сылын аайы тэрийэр ыытар.
Улуус хас биирдии нэһилиэгин элбэх оҕолоох, түөлбэтин, улууһун, республикатын сайдыытыгар сүҥкэн кылаатын киллэрбит, оҕону иитиигэ үтүө холобур, үлэни өрө туппут ийэлэри чиэстээтилэр.
Уопсайа 19 ийэ «Бастыҥ ийэ» уонна 10 тыһыынчалаах сертификат тутта. Үөдэйтэн элбэх оҕолоох Надежда Неустроева, Бастакы Хомустаахтан элбэх оҕолоох Анна Азарова, Искраттан элбэх оҕолоох Елена Сивцева, Көбөкөнтөн элбэх оҕолоох Агафия Петрова, Маймаҕаттан элбэх оҕолоох Татьяна Колесова, Никольскайтан элбэх оҕолоох Анна Олесова, Таастаахтан элбэх оҕолоох Мира Новгородова, Партизантан элбэх оҕолоох Варвара Аргунова, Салбаҥтан элбэх оҕолоох Таисия Гаврильева, Арбынтан элбэх оҕолоох Ирина Исакова, Бөтүҥтэн элбэх оҕолоох Саргылана Суздалова, Фрунзеттан элбэх оҕолоох Ольга Иванова, Модуттан элбэх оҕолоох Татьяна Тихонова, Түбэттэн элбэх оҕолоох Александра Куприянова, Хатырыктан элбэх оҕолоох Галина Романова, Иккис Хомустаахтан элбэх оҕолоох Надежда Сивцева, Хатыҥ Арыыттан элбэх оҕолоох Наталия Сивцева, Хамаҕаттаттан элбэх оҕолоох Елена Жиркова, Ленскэй нэһилиэктэн элбэх оҕолоох Галина Новгородова-Рехлясова.
Бу номинацияны ылбыт ийэлэр бары улуус, республика социальнай-экономическай сайдыытыгар тус кылааттарын киллэрбит, үлэттэн толлубат, оҕо иитиитигэр бэйэлэрин үөрүйэхтэринэн, үлэлэринэн-хамнастарынан барыбытыгар үтүө холобур буолаллар. Улуус бастыҥ ийэлэригэр истиҥ эҕэрдэбитин тиэрдэбит!
Тэрээһин чэрчитинэн «Бастакылар хамсааһыннара» Саха сиринээҕи олохтоох салаатын Махтал суругунан араас ыытыллар тэрээһиннэргэ, муниципальнай, региональнай, Бүтүн Россиятааҕы бырайыактарга куруук көхтөөхтүк кыттар дьиэ кэргэттэр чиэстэннилэр.
2025 сыл түмүгүнэн улуус көхтөөх дьиэ кэргэттэринэн буоллулар: Н.С. Охлопков аатынан Намнааҕы гимназияттан Лариса уонна Алексей Скрябиннар, М.Е. Охлопкова аатынан Түбэ орто оскуолатыттан Лючия уонна Иосиф Пестряковтар, В.П. Артамонов аатынан Хамаҕатта саха-французскай лицейиттэн Октябрина уонна Марк Барашковтар, И.Д. Винокуров – Чаҕылҕан аатынан Намнааҕы алын сүһүөх оскуолатыттан Анисия уонна Айсен Васильевтар, Партизан орто оскуолатыттан Екатерина уонна Валерий Петровтар, И.С. Гаврильев аатынан Нам 1 №-дээх орто оскуолатыттан Ксения уонна Борис Сивцевтэр, Нам 2 №-дээх орто оскуолатыттан Анна уонна Афанасий Слепцовтар, Көбөкөн орто оскуолатыттан Февронья уонна Самсон Потаповтар.
Бу күн чиэстэммит бары ийэлэри, дьиэ кэргэттэри итиитик-истиҥник эҕэрдэлиибит! Бу курдук улууспут, республикабыт сайдыытыгар кылааккытын киллэрэргит иһин барҕа махталбытын тиэрдэбит.
