Бүгүн, ахсынньы 4 күнүгэр, киэһэ 19:15 чаастан РСФСР үтүөлээх экономиһа, Саха АССР тыа хаһаайыстыбатын үтүөлээх үлэһитэ, Нам улууһун Ытык киһитэ, краевед Терентий Иванович Замятин төрөөбүтэ 100 сылыгар аналлаах “Олох үөһүгэр” биэриини “Саха” НКИХ каналыгар көрөргүтүгэр ыҥырабыт!
Биэриигэ кыттыыны ылаллар:
- Нам улууһа” муниципальнай оройуон баһылыгын солбуйааччы Юрий Вячеславович Дьяконов;
- М.К.Аммосов аатынан СӨ Судаарыстыбаннаһын историятын Өрөспүүбүлүкэтээҕи музейын сэбиэдиссэйэ, Нам улууһун кыраайы үөрэтээччилэрин түмсүүтүн салайааччыта Александр Васильевич Кириллин;
- Нам улууһун бэтэрээннэрин Сэбиэтин бэрэссэдээтэлэ Софья Дмитриевна Кобякова;
- Н.М.Рыкунов аатынан Намнааҕы киин модельнай библиотека кылаабынай библиотекара Раиса Николаевна Дьяконова;
- Протопопова Прасковья Романовна, Никольскайдааҕы Иван Серафимович Шарапов аатынан сири туһаныы музейын директора, СӨ культуратын туйгуна;
- Егор Романович Леонтьев – үлэ ветерана, Никольскай, Хамаҕатта нэһилиэктэрин уонна Нам улууһун Бочуоттаах олохтооҕо. РФ уонна СӨ спордун ветерана, “Үлэҕэ туйгунун иһин” мэтээл, “ХХ үйэ спорт сайдыытыгар чулуу киһитэ” Бэлиэ хаһаайына, 1976-1986 сс. “Комсомольскай” совхоз сылгыны иитиигэ зоотехнига;
- Терентий Иванович Замятин төрөппүт уола – Андрей Терентьевич Замятин.
Биэриини ыытааччы: Роман Алексеев
Режиссер: Гаврил Захаров
Биэриини көрүҥ, сэргээҥ!
“Нам улууһа” МО пресс-сулууспата
