Быраап боппуруостарыгар уонна коррупцияны утары салалта салайааччыта Галина Охлопкова ахсынньы 9 күнүгэр Коррупцияны утары охсуһуу күнүнэн биллэрин уонна онуоха туһаайан нэһилиэктэр бэйэлэригэр былааннаах үлэни, тэрээһини тэрийэн ыытыахтаахтарын санатан эттэ.
Нам улууһун урбаанньыттарын Координационнай сэбиэтин чилиэнэ, урбаанньыт Алина Винокурова ас-үөл атыытынан ураты дьарыктанар урбаанньыттары өйүүр туһунан баһылыктарга иһитиннэрии оҥордо. Ол курдук, нэһилиэктэр маныаха субсидия сөпкө тыыран үлэни тэрийэн ыытыахтаахтар.
Улуустааҕы социальнай харалта салалтатын социальнай сулууспа салаатын сэбиэдиссэйэ Аксинья Белолюбская «Өр кэмнээх көрүү-истии ситимэ» пилотнай бырайыак туһунан кэпсээтэ.
Улуустааҕы спорт уонна физическэй культура салалтатын салайааччыта Павел Иванов бу эйгэҕэ бэриллэр боломуочуйа үлэлэрин былаанын туһунан иһитиннэрдэ.
