Салбаҥ нэһилиэгэр бэҕэһээ киэһэ 22:00 чаас кэннэ уот баран ыксаллаах быһыы-майгы балаһыанньата үөскээтэ. Бэҕэһээ киэһэ РЭС үлэһиттэрэ тиийэн ханна саахал турбутун көрдөөн саҕалаабыттара. Кэҥкэмэ диэки быстыбыт сирин булан өрөмүөннүү сылдьаллар.
Улуус баһылыгын бастакы солбуйааччыта Анатолий Павлов салайааччылаах суһал штаб тэрилиннэ. Юрий Иннокентьевич суһал штабка 2-3-түү киһилээх биригээдэни тэрийэн бэлэм олороллоругар сорудахтаата. Улуус үрдүнэн муҥутуур бэлэм буолуу режимэ биллэрилиннэ.
Билигин улуус баһылыгын солбуйааччы Филипп Николаев салайааччылаах биригээдэ айаннаата. ГСМ, уот генератордарын, ититэр пушкалары илдьэ бардылар.
