Улуус дьаһалтатын сыллааҕы отчуотун мунньаҕар Хамаҕатта нэһилиэгэр 51  киһи кыттыыны ылла. Мунньаҕы нэһилиэк баһылыга Евгений Ушницкай иилээн-саҕалаан ыытта. Видеотчуот кэнниттэн бөлөх салайааччыта Анатолий Павлов былырыын киирбит боппуруостар туолууларын билиһиннэрдэ.  

Бу күн сэрии оҕолоругар уонна анал байыаннай дьайыы кыттыылаахтарыгар ханнык чэпчэтиилэр уонна социальнай өйөбүл баалларын, “Лингва» лааҕыры атын сиргэ көһөрүү, кытаанах коммунальнай отходтары хомуйар былаһааккаҕа  улахан габариттаах бөҕү быраҕар анал зонаны тутууну, “Дьокуускай-Нам-Дьокуускай” хайысханан маршрутнай автобус сырыыта хаһан  сөргүтүллэрин, эһиил государственнай тэрилтэлэргэ кадрдары сарбыйыы, 2026 сылга Е.М. Шапошников төрөөбүтэ 100 сылын бэлиэтиир тэрээһиннэр улуус былааныгар киириилэрин  ыйыттылар.

Этиилэр:

• Чааһынай  дьиэлэри  хаарбах,  аварийнай туруктаах дьиэлэртэн көһөрүү программатыгар киллэрии;
• Арыы-Тиит уонна Кытыл оройуонугар  автобус тохтуур сирдэрин оҥоруу;  
• Отходтары уматыы уонна бөҕү сортировкалааһын бэрээдэгин киллэрии;
• Култуура дьиэтин тутуу, бырайыактыыр үлэҕэ үбүнэн көмөлөһүү;
• Биэрэги бөҕөргөтөр үлэлэри түргэтэтии уонна даамбалары тутуу;
• Улуус дьаһалтатын отчуотун элбэх киһи билсэрин, ааҕарын туһуттан “Эҥсиэли” хаһыакка таһаарыы;
• Отчуоту урукку сыллары кытта тэҥнээн анализтаан көрдөрүү;
• Отчуокка общественнай түмсүүлэр үлэлэрин сырдатыы.
• Демография боппуруоһугар оҕо төрөөһүнэ аҕыйаабыта этилиннэ.
• Отчуокка общественнай бэрээдэк туһунан иһитиннэрии суоҕа бэлиэтэннэ.

Хамаҕатта олохтоохторун сүрүн туруорсар боппуруостара – саҥа культура дьиэтин тутуу боппуруоһа буолар. 

Хас биирдии киирбит ыйытыыга  толору  хоруй бэрилиннэ. Мунньах кыттыылаахтара сыллааҕы үлэни биһирииллэрин биллэрдилэр.

Анатолий Павлов мунньахха кэлэн көхтөөхтүк кыттыбыт, улуус дьаһалтатын үлэтин  биһирээбит  бар дьонугар  махталын тиэртэ, чэгиэн доруобуйаны,  үгүс ситиһиилэри баҕарда.

«Нам улууһа» МО пресс-сулууспата