Эһиил 2026 сылга киэн туттар биир дойдулаахпыт, уһулуччулаах государственнай уонна политическай деятель Илья Егорович Винокуров төрөөбүтэ 130 сылын бэлиэтиэхпит. Үбүлүөйдээх тэрээһини үрдүк таһымҥа ыытыыга бэлэмнэнии үлэлэр күүскэ бараллар.
Бүгүн, ахсынньы 29 күнүгэр, киэн туттар биир дойдулаахпыт, Саха сирин уһулуччулаах государственнай уонна политическай деятеля Илья Егорович Винокуров үбүлүөйдээх, төрөөбүтэ 130 сылын өрөспүүбүлүкэ таһымыгар 2026 сылга бэлиэтиир бастакы сүбэ мунньах ыытылынна.
Мунньахха Ил Дархан уонна Бырабыыталыстыба дьаһалтатын салайааччы Георгий Михайлов салайааччылаах үбүлүөйдээх тэрээһиннэр былаанын барыла ырытылынна. Сүбэ мунньахха туһааннаах министиэристибэлэр, тэрилтэлэр, улуустар кыттыыны ыллылар.
Илья Егорович Винокуров олорон ааспыт олоҕун, норуокка оҥорбут үтүөтүн, Сахабыт сирэ сайдарыгар киллэрбит сүҥкэн кылаатын кэнчээри ыччаппыт холобур оҥосторо биһиги сүрүн сыалбыт-сорукпут буолар. Ол курдук, былааҥҥа араас куонкурустары, аһаҕас уруоктары, научнай-чинчийэр кэмпириэнсийэлэри ыытыы киллэрилиннэ.
Мунньахха киирбит этиилэри сурукка тиһэн, үбү-харчыны суоттаан, тэрийэр хамыыһыйа үлэтин былааныгар түмүөҕэ.
«Нам улууһа» МО пресс-сулууспата
