Н. М. Рыкунов аатынан Намнааҕы киин библиотека көҕүлээһининэн, Саха Республикатын үөрэҕирии уонна наука министерствотын өйөөһүнүнэн олунньу 16 — 20 күннэригэр бүтүн республика үрдүнэн маҥнайгытын «СОМОҔО-2026”   республикатааҕы кыраайы үөрэтэр олимпиада саҕаланна. Олимпиада кыттыылаахтарынан оскуола улахан кылаас оҕолоро буолаллар (9-10 кыл.)    

Олимпиада үүнэр көлүөнэ төрөөбүт дойдутун историятын үөрэтэр, чаҕылхай олоҕу олорон, дьон туһугар үлэлээн-хамсаан ааспыт Илья Егорович Винокуров үрдүк аатынан киэҥ туттар, кини чулуу олоҕун холобур оҥостор  дьиҥ патриот дьон буола улааталларын туһугар ыытыллар!  

Олимпиада онлайн ыытыллар, ол аата кыттааччы ыйыллыбыт сиигэнэн киирэн тест толорор. Кыттыытын түмүгэ тутатына биллэр, кыттаачыга түмүк көрдөрүүтүнэн диплом эбэтэр сертификат бэриллэр.

Олимпиада ссылката https://forms.yandex.ru/u/698e7fd149363956ef236ae5

Олимпиада сонуннарын Н. М. Рыкунов аатынан киин библиотека сайтыгар киирэн көрүҥ  https://namlib.ru/

Күндү үөрэнээччилэр, учууталлар, төрөппүттэр бука бары биир СОМОҔО буолан, көхтөөх кыттыыны ылыаҕыҥ!